امريڪا دعويٰ ڪئي آھي ته يوڪرين جنگ ۾ روس جا ھن وقت تائين 20 ھزار فوجي مارجي چڪا آھن.
امريڪي انگن اکرن موجب روس ۽ يوڪرين جنگ ۾ ڊسمبر 2022ع کان ھن وقت تائين روس جا 20ھزار فوجي اھلڪار ماريا ويا آھن.
برطانوي خابرو اداري موجب امريڪي قومي سلامتي جي ترجمان جان ڪربي نئين ڳجھي معلومات جو حوالو ڏيندي چيو تھ جنگ سبب روس جا ھڪ لک ماڻھو مارجي چڪا آھن جن ۾ 20 ھزار فوجي اھلڪار شامل آھن، جڏھن تھ روس جا 80ھزار فوجي جوان زخمي ٿيا آھن.
جان ڪربي يوڪرين جو حوالو ڏيندي چيو تھ ھو يوڪرين جي ماڻھن جي مارجڻ جو اندازو نھ ٿو لڳائي سگھي ڇو تھ ھو ان جنگ جا متاثر آھن.
روسي فوجين جي مارجڻ بابت ميڊيا رپورٽس ۾ ٻڌايو ويو تھ مارجي ويل فوجي اھلڪارن ۾ اڌ جو تعلق روس جي نجي فوجي ڪمپني (ويگنر ميرسينري) سان آھي جيڪا يوڪرين جي اوڀر واري علائقي باخموت شھر تي حملا ڪري رھي ھئي.
ميڊيا رپورٽس موجب گذريل سال کان روس جي ان ننڍي شھر تي قبضو ڪرڻ جي ڪوشش ڪري رھيو آھي ۽ ان شھر جي گھڻي حصي تي قبضو پڻ ڪري چڪو آھي پر يوڪرين جو ان شھر جي اولھھ واري حصي تي اڃا تائين ڪنٽرول برقرار آھي.
ميڊيا رپورٽس موجب يوڪرين اختيارين جو چوڻ آھي تھ ھو روس جي فوجين کي مارڻ ۽ روس جي ذخيرن کي ختم ڪرڻ لاءِ ڪم ڪري رھيا آھن…….
