يوڪرين ۾ هيليڪاپٽر ڪري تباهه ٿيڻ سبب ملڪ جي گهرو وزير سميت ارڙهن ڄڻا مارجي ويا.
پرڏيهي ميڊيا موجب يوڪرين جي ايمرجنسي ريسڪيو هيليڪاپٽر ۾گهرو وزير ۽ ٻن اهم سرڪاري عهديدارن سميت 9 ڄڻا سوار هئا، جيڪي اڻڄاتل هنڌ وڃي رهيا هئا.
اڏامڻ جي ٿوري دير بعد هيليڪاپٽر لاماري ڏيندي زمين تي ڪري پيو، جنهن ۾ هيليڪاپٽر ۾ سوار سمورن نون ڄڻن سميت اتي موجود 7 ڄڻا فوت ٿي ويو.
هيليڪاپٽر ڪرڻ واري هنڌ وڏي انگ ۾ شهري ۽ ٻارڙا موجود هئا، جنهن ڪري فوتين ۾ ٽي ٻارڙا به شامل آهن، جڏهن ته 29 زخمين ۾ به 15 ٻارڙا شامل آهن.
حادثي ۾ يوڪرين جو گهرو وزير 42 ورهين جو ڊينس مونسٽيرسڪي سندس نائب وزير ۽ رياستي سيڪريٽري به فوت ٿي ويا.
ڊينس يوڪريني صدر جي ڪابينا جو اهم ميمبر جو ۽ هن فيبروري 2022ع بعد يوڪرين تي حملي بعد عوام کي آگاهه ڪرڻ ۾ اهم ڪردار ادا ڪيو.
سرڪاري ميڊيا شروعات ۾ٻڌايو ته هيليڪاپٽر هڪ پرائمري اسڪول تي ڪريو پر بعد ۾ چيو ويو ته اهو هڪ نرسري ويجهو ڪريو، جتي وڏي انگ ۾ ٻارڙا ترسيل هئا.
