ٺاروشاهه ويجهو هٿياربندن پسند جي شادي ڪندڙ ناري ۽ سندس ٿڄ پياڪ ٻار کي گهران اغوا ڪرڻ بعد ناريءَ کي گوليون هڻي قتل ڪري لاش جهنگ ۾ ڦٽو ڪري ڇڏيو آهي، جڏهن ته ٻارڙو زخمي ٿي پيو آهي.
مڃٺ واري علائقي ۾ هٿياربند پسند جي شادي ڪيل امتياز خاتون ۽ سندس پٽ کي اغوا ڪري ويا.
جوابدارن ناري کي گوليون هڻي قتل ڪرڻ بعد لاش جهنگ ۾ ڦٽو ڪري فرار ٿي ويا.
اطلاع تي پوليس واقعي واري هنڌ پهچي ناري جو لاش ۽ سندس زخمي ٻارڙي کي کڻائي اسپتال منتلق ڪيو، جتان پوسٽ مارٽم ڪرائڻ بعد مڙهه وارثن حوالي ڪيو ويو.
مارجي ويل ناريءَ جي مڙس ديدار ملاح جو چوڻ آهي ته مان مڇي مارڻ لاءِ درياءَ ي ويل هيس ته منهنجي گهر واري کي سندس ڀائرن ۽ چاچن اغوا ڪرڻ بعد قتل ڪري ڇڏيو آهي.
هن اعليٰ اختيارين کان مطالبو ڪيو ته معاملي جو نوٽيس وٺي جوابدارن خلاف قانوني ڪارروائي ڪري انصاف ڪيو وڃي.
