پي ٽي آءِ اڳواڻ فواد چوڌري چيو آهي ته ٺهرائن ذريعي عدالتي فيصلا ختم نه ٿا ڪري سگهجن، مريم چاهي ٿي ته شهبازشريف نااهل ٿي وڃي.
لاهور ۾ پريس ڪانفرنس ڪندي فواد چوڌري چيو ته حڪومت اليڪشن ۾ وڃڻ ئي نٿي چاهي، آئين چوي ٿو ته اسيمبلي ٽٽندي ته 90 ڏينهن اندر اليڪشن ٿيندي.
هن چيو ته حڪومت ملڪ جي آئين تي عمل نه پئي ڪري، حڪومت اقتدار ڇڏي عوام ۾ وڃڻ لاءِ تيار ئي ناهي، هي عوام کان ووٽ جو حق کسڻ چاهن ٿا.
پي ٽي آءِ اڳواڻ چيو ته پنجاب حڪومت 22 اپريل کانپوءِ ختم ٿي ويندي، نگران حڪومت 22 اپريل کانپوءِ ڪنهن ڪاغذ تي صحيح ڪندي ته سڌو آرٽيڪل 6 لڳندو.
فواد چوڌري چيو ته قانون واري وزير ۽ اٽارني جنرل پهريان عدالتي فيصلي تي اعتراض ڪيو، ڪابينا جي پڌرنامي ۾ چيو ويو ته هو فيصلو رد ڪن ٿا، اڄ تائين ڪابينا اهڙو فيصلو ناهي ڪيو.
پي ٽي آءِ اڳواڻ چيو ته بلاول جي آفيس ڪٿي آهي؟ هن ڪابينا اجلاس ئي اٽينڊ ئي نه ڪيو، سمورا وزير ڀڄي ويا، فرخ حبيب سيڪريٽري کان وزيرن جا نالا ۽ ايجنڊا جا تفصيل گهريا آهن.
