ٺٽي جي اسپتال ۾ الٽي ۽ دست جي بيماري ۾ مبتلا 3 ٻارڙا فوت ٿي ويا جڏهن ته سندن وارثن ڊاڪٽرن تي مبينا غفلت ۽ علاج جي سهولت نه ملڻ جو الزام لڳايو آهي.
سول اسپتال ۾ دست ۽ الٽي جي بيماري مبتلا مڪلي واسي ڏيڍ سال جي ماجد ۽ 103 موري واسي ٻن ورھين جو اسحاق کوسو سميت 3 ٻارڙا سول اسپتال ۾ فوت ٿي ويا.
فوت ٿيل ٻارڙن جي وارثن امين لاسي ۽ امير کوسو الزام ھڻندي چيو ته سندن معصوم ٻارڙا دست ۽ الٽي ۾ مبتلا ھئا جن کي علاج لاءِ اسپتال پهچايو ۽ ڊاڪٽرن کي علاج لاءِ منٿون ڪندا رھيا پر ڊاڪٽرن جي ڌيان نه ڏيڻ ۽ علاج نه ٿيڻ ڪري تڙپي تڙپي فوت ٿي ويا.
ھنن اعليٰ اختيارين کان مطالبو ڪيو ته معاملي جو نوٽيس وٺي ڊاڪٽرن ۽ اسپتال انتظاميا خلاف ڪارروائي ڪري انصاف ڪيو وڃي.
