ٺٽي ويجهو مزڊا ٽرڪ ۽ مسافر وين وچ ۾ ٽڪر، 24 مسافر زخمي

ٺٽي ويجهو مزدا ٽرڪ ۽ مسافر وين وچ ۾ ٽڪر ٿيڻ  جي نتيجي ۾ 24 مسافر زخمي ٿي پيا، جن کي اسپتال منتقل ڪيو ويو.

مڪلي باءُ پاس تي  مزدا ۽ مسافر وين وچ ۾ ٽڪر ٿي پيو،  حادثِي ۾ نور احمد، رزاق، غلام علي، ماجد، رياض سميت 24 ڄڻا زخمي ٿي پيا.

اطلاع تي پوليس حادثي واري هنڌ پهچي زخمين کي کڻائي ٺٽي اسپتال منتقل ڪيو، جتان حالت ڳڻتي جوڳي هئڻ سبب 4 زخمين کي ڪراچي اسپتال منتقل ڪيو ويو.

پوليس جو چوڻ آهي ته مسافر وين ٺٽي کان ڪراچي وڃي رهي هئي ته مڪلي باءِ پاس وٽ حادثي جو شڪار ٿي وئي.