سڌ سماءَ واري وفاقي وزير مريم اورنگزيب چيو آهي ته پارليامينٽ کان قانون ٺاهڻ جو ڪو حق ڪير به کسي نه ٿو سگهي، عدليه جو اختيار رڳو آئين ۽ قانون جي تشريح ڪرڻ آهي، آئين ٻيهر لکڻ يا قانونسازي جي اختيار تي پابندي هڻڻ عدليه جو اختيار ناهي.
جاري ڪيل بيان ۾ مريم اورنگزيب چيو ته قانون سازي سان شفاف ۽ منصفاڻو نظام ڏنو ويو آهي، پارليامينٽ پنهنجي آئيني اختيارن جي تحفظ لاءِ آخري حد تائين ويندي.
سندس چوڻ هو ته پارليامينٽ پنهنجي آئيني حقن جو ڀرپور تحفظ ۽ بچاءُ ڪرڻ جو حق رکي ٿي.
سڌ سماءَ واري وفاقي وزير مريم اورنگزيب چيو ته پارليامينٽ جو قانون سازي جو آئيني اختيار ڪير به کسي نٿو سگهي، عدليا جو اختيار آئين ۽ قانون جي تشريح ڪرڻ آهي، آئين ٻيهر لکڻ يا قانونسازي جي اختيار تي پابندي هڻڻ عدليه جو اختيار ناهي.
هن چيو ته پارليامينٽ وڪيل برادري، بار ڪائونسلز ۽ ايسوسي ايشنز جي پراڻي مطالبي تي قانون سازي ڪئي.
سڌ سماءَ واري وفاقي وزير مريم اورنگزيب چيو ته آرٽيڪل 184 ٿري بابت قانون سازي سان عدليا جا اختيار، آزادي ۽ خودمختاري ۾ ڪابه گهٽتائي ناهي ڪئي وئي، هن قانون سازي سان ون مين شو ۽ امپيريل ڪورٽ جهڙا اعتراض ختم ڪيا ويا، سپريم ڪورٽ جا ٽي موسٽ سينيئر جج صلاح مشوري سان اهو اختيار استعمال ڪندا.
