پاڪستاني ماڊل ۽ اداڪارا سعيدا امتياز جي موت واري خبر ڪوڙي نڪتي.
اداڪار صائم علي بھ اداڪارا سان گڏ تصوير شيئر ڪئي ۽ لکيو تھ الحمد اللھ سندس دوست بلڪل ٺيڪ آھي ۽ سندس فوت ٿيڻ واري خبر غلط آھي.
ماڊل ۽ اداڪارا سعيدا امتياز جي قانوني صلاحڪار سيد مدبر رضوي طرفان بھ اھو ئي چيو ويو آھي تھ سعيدا امتياز جي فوت ٿيڻ واري خبر سچي نھ آھي.
ذريعن موجب سعيدا امتياز جي انسٽاگرام اڪائونٽ کي ھيڪ ڪري سندس اڪائونٽ سان فوت ٿيڻ واري خبر ھلائي وئي ھئي، خبر ۾ موت جو ڪارڻ ۽ وضاحت نھ ڪئي وئي ھئي.
پنھنجي ڪم سان جلدي شوبز انڊسٽري ۾ نالو ٺاھيندڙ سعيدا امتياز جي پيدائش متحدھ عرب امارات ۾ ٿي ھئي، ھن يو اي اي ۽ امريڪا مان تعليم حاصل ڪئي، اداڪاري ۽ ماڊلنگ جو شوق کيس پاڪستان وٺي آيو.
عمران خان تي ٺھيل فلم ڪپتان ۾ سعيدا امتياز جمائما جو ڪردار ادا ڪيو آھي.
