آءِ ايم ايف جي ڊائريڪٽر جهاد آزور چيو آهي ته پاڪستان اڄ اهم موڙ تي آهي، معاشي استحڪام لاءِ فيصلائتي قدمن جي ضرورت آهي.
واشنگٽن ۾ پريس ڪانفرنس ڪندي آءِ ايم ايف جي ڊائريڪٽر جهاد آزور چيو ته پاڪستان جون موجوده پاليسيون درست رخ ۾ آهن، موجوده صورتحال ۾ مهانگائي تي ضابطو آڻڻ ضروري آهي.
هن چيو ته پرڏيهي ناڻي جي مٽا سٽا جي شرح کي برقرار رکڻ به ضروري آهي ته جيئن ڪنهن ٻاهرين جهٽڪي کان بچي سگھي.
آءِ ايم ايف جي ڊائريڪٽر چيو ته آءِ ايم ايف ۽ پاڪستاني اختيارين وچ ۾ ڳالهيون جاري آهن، پروگرام کي مڪمل ڪرڻ لاءِ فنانسنگ ضروري آهي.
هن وڌيڪ چيو ته ڪيترن ئي پروگرامن ذريعي پاڪستان کي سپورٽ فراهم ڪئي وئي آهي.
