پاڪستان مان حج ڪرڻ لاءِ پيادي سفر ڪري ٻه پاڪستاني شهري سعودي عرب پهچي ويا، سندن مان ۾ تقريب رکي وئي.
فيصل آباد واسي خالد غفور ۽ ذيشان احسان هزارين ميل پيادل سفر ڪري چئن مهينن ۾ سعودي عرب جي راڄڌاني رياض پهچي ويا.
رياض ۾ پاڪستاني ڪميونٽي پاران پيادل سفر ڪري پهتل شهرين جي مان ۾ تقريب رکي ويئي، حج لاءِ پيادل سفر ڪرڻ واري عمل جي واکاڻ ڪئي ويئي.
ان موقعي تي خالد غفور ۽ ذيشان احسان سعودي فرمانروا شاهه سلمان بن عبدالعزيز ۽ ولي عهد شهزادي محمد بن سلمان کي اپيل ڪئي ته وٽن ٽن مهينن جي عمري واري ويزا آهي ان ڪري سعودي حڪومت حج پرمٽ جاري ڪري ته جيئن اهي پنهنجو مقصد پورو ڪري سگهن.
