رٿابندي واري وفاقي وزير احسن اقبال چيو آهي ته کين نالج اڪانامي تي ڌيان ڏيڻو پوندو، ماضي ۾ ملڪ کي سخت ترين انرجي بحران کي منهن ڏيڻو پيو هو، 2013ع ۾ مختلف قسم جي مسئلن تي ضابطو آندو ويو، نواز شريف جي قيادت ۾ ملڪ کي ترقي جي رستي تي آندو ويو هو، گذريل چئن ورهين ۾ ملڪي معيشيت کي سخت نقصان پهچايو ويو، گذريل چئن سالن ۾ ترقياتي بجيٽ تي ڌيان نه ڏنو ويو، پاڪستان موسمياتي تبديلين جي اثرن کي منهن ڏئي رهيو آهي.
عالمي بينڪ جي هيومن ڪيپيٽل ريويو ريسرچ رپورٽ جاري ڪرڻ واري تقريب کي خطاب ڪندي احسن اقبال چيو ته پاڪستان جي دوري تي موجود عالمي بينڪ جو نائب صدر واپسي تي آءِ ايم ايف کي پاڪستان کي رعايت ڏيڻ جي درخواست ڪندو.
سندس چوڻ هو ته پاڪستان هڪ وڏي معاشي چئلينج کي منهن ڏئي رهيو آهي، ٻوڏ سبب ملڪ کي 30 ارب ڊالر جو نقصان پهتو.
رٿابندي واري وفاقي وزير احسن اقبال چيو ته آءِ ايم ايف پروگرام جا شرط ٻوڏ کان اڳ طئي ٿيا هئا، ٻوڏ بعد پاڪستان ڪجهه شرطن تي عمل نه ڪري سگهيو، آءِ ايم ايف پروگرام جي عدم موجودگي سان غير يقيني صورتحال وڌي آهي.
هن چيو ته پاڪستان اسٽرڪچرل عدم توازن جو شڪار آهي، پاڪستان کي وچولي آمدني وارن ملڪن ۾ شامل هئڻ گهرجي ها پر سندن انفرا اسٽرڪچر غريب ترين ملڪن جيان آهي.
سندس چوڻ هو ته کين نالج اڪانامي تي ڌيان ڏيڻو پوندو، ماضي ۾ ملڪ کي سخت ترين انرجي بحران کي منهن ڏيڻو پيو هو، 2013ع ۾ مختلف قسم جي مسئلن تي ضابطو آندو ويو.
رٿابندي واري وفاقي وزير احسن اقبال چيو ته نواز شريف جي قيادت ۾ ملڪ کي ترقي جي رستي تي آندو ويو هو، گذريل چئن ورهين ۾ ملڪي معيشيت کي سخت نقصان پهچايو ويو، گذريل چئن سالن ۾ ترقياتي بجيٽ تي ڌيان نه ڏنو ويو، پاڪستان موسمياتي تبديلين جي اثرن کي منهن ڏئي رهيو آهي.
