پيپلز پارٽي جي سيڪريٽري جنرل سيد نيئر حسين بخاري چيو آهي ته آئين ۾ 90 ڏينهن کانپوءِ نگران حڪومتون قائم نه رهڻ جي ڪابه پابندي ناهي، 2008ع ۾ خيبر پختونخوا اسيمبلي ٽٽڻ بعد نگران حڪومت 90 ڏينهن کان وڌيڪ موجود رهي.
جاري ڪيل بيان ۾ سيد نيئر حسين بخاري چيو ته پاڪستان پيپلز پارٽي آئيني ۽ سياسي معاملن جو جٽادار حل ڳالهين ۾ ئي سمجهي ٿي.
سندس چوڻ هو ته عام چونڊن بابت ڳالهين جي ناڪامي جو ذميوار تحريڪ انصاف جو چيئرمين عمران خان آهي.
پيپلز پارٽي جي سيڪريٽري جنرل سيد نيئر حسين بخاري چيو ته سمورن ادارن کي آئين جي طئي ٿيل حدن ۾ رهڻ گهرجي، آئين ساز ادارو پارليامينٽ ئي سڀ کان بالادست آهي.
هن چيو ته آئين عوام جي چونڊيل نمائندن ٺاهيو، عوامي نمائندا ئي قانون ۾ ترميم جو حق رکن ٿا.
پيپلز پارٽي جي سيڪريٽري جنرل سيد نيئر حسين بخاري چيو ته ماضي ۾ اعليٰ عدليا قانون ٽوڙيندڙن کي عدالتي تحفظ فراهم ڪيو، چونڊون ڪرائڻ حڪومت نه پر اليڪشن ڪميشن جي ذميواري آهي.
