پاڪستان ۽ آءِ ايم ايف ۾ ڊيڊ لاڪ برقرار

آءِ ايم ايف پاڪستان لاءِ مقرر چيف مشن نيٿن پورٽر چيو آهي ته نائين جائزي جي ڪاميابيءَ تي پاڪستان سان اسٽاف سطح تي معاهدو ٿي سگهندو.

آءِ ايم ايف مشن چيف نيٿن پورٽر پاڪستان ۽ عالمي مالياتي اداري وچ ۾ هلندڙ ڳالهين تي بيان جاري ڪيو.

سندس چوڻ هو ته پاڪستان سان نائين جائزي تي مسلسل ڪم ڪيو پيو وڃي، ان جائزي کي مڪمل ڪرڻ لاءِ ضروري سڌارن جو جائزو ورتو پيو وڃي.

نٿن پورٽر چيو ته نائين جائزي جي ڪاميابي مڪمل ٿيڻ تي پاڪستان کي ضروري فنانسنگ جاري ٿي ويندي ۽ اسٽاف سطح تي معاهدو ٿي سگهندو.