آءِ ايم ايف ۽ پاڪستان ۾ ڳالهين جو شيڊول طئه

آءِ ايم ايف جو جائزا مشن 31 جنوري تي پاڪستان پهچندو ۽ ان ئي ڏينهن کان پاڪستان ۽ آءِ ايم ايف فنڊ وچ ۾ ڳالهين جي شروعات ٿيندي.

ناڻي واري وزارت آءِ ايم ايف سان ڳالهين جو شيڊيول جاري ڪري ڇڏيو آهي، جنهن ۾ عالمي مالياتي اداري جو جائزا مشن 31 جنوري تي پاڪستان پهچندو.

عالمي مالياتي فنڊ جي مشن ۽ پاڪستان وفد وچ ۾ ڳالهين به 31 جنوري کان ئي شروع ٿينديون، جيڪو 9 فيبروري تائين جاري رهنديون.

ڳالهين جي ڪاميابي جي صورت ۾ آءِ ايم ايف  پاڪستان کي قرض جي قسط فراهم ڪندي.