پاڪستان ۽ نيوزيلينڊ وچ ۾ جاري ٽي ٽوئنٽي سيريز جي چوٿين ميچ ڳڙي سان برسات ختم ڪئي وئي.
راولپنڊي ۾ پاڪستان جي دعوت تي پهريان بيٽنگ ڪندي نيوزيلينڊ جي ٽيم 18.5 اوورن ۾ 5 وڪيٽن جي نقصان تي 164 رنسون ٺاهيون ته اوچتو ڳڙي سان طوفاني برسات سبب راند روڪي وئي.
نيوزيلينڊ طرفان مارڪ چيپ 71 رنسون ٺاهي نمايا رهيو جڏهن ته چيڊ بوز 54، ڪپتان ليٿم 13 رچن روندرا 8، ول ينگ 6 ۽ شيرل مچل 3 رنسون ٺاهي آئوٽ ٿي ويو.
پاڪستان طرفان عماد وسيم ٽي جڏهن ته شاهين شاهه آفريدي ۽ حارث رئوف هڪ-هڪ وڪيٽ ورتي.
تيز برسات سبب گرائونڊ ۾ پاڻي بيهجي ويو ۽ ٻيهر راند شروع ڪرڻ ممڪن نه هو جنهن سبب امپائرن بنا نتيجي جي ميچ ختم ڪرڻ جو اعلان ڪيو….
واضع رهي ته پنجن ميچن واري سيريز ۾ پاڪستان کي هڪ جي ڀيٽ ۾ ٻن ميچن جي سرسي حاصل آهي.
