پاڪستان ۾ مهانگائي سبب جج ڪندڙن جو انگ گهٽجي ويو، جنهن بعد ڪوٽا سعودي عرب کي واپس ڏيڻ جو فيصلو ڪيو ويو آهي.
ڊالر جي کوٽ ۽ مهانگائي سبب پاڪستانين لاءِ حج ادا ڪرڻ به ڏکيو ٿي ويو.
مذهبي معاملن واري وزارت جي ذريعن موجب حڪومت استعمال نه ٿيندڙ حج ڪوٽا سعودي عرب کي واپس ڪرڻ جو فيصلو ڪيو آهي، حج ڪوٽا جي واپسيءَ جو قطعي فيصلو وفاقي ڪابينا ڪندي.
مهانگي حج سبب ڪيترائي پاڪستاني درخواستون نه ڏئي سگهيا، درخواستون گهٽ ملڻ تي سرڪاري حج ڪوٽا خانگي حج آپريٽرن کي ڏيڻ تي به غور ڪيو ويو، پر خانگي آپريٽر اضافي ڪوٽا ملڻ تي مارڪيٽ مان ڊالر وٺندا، جنهن سان ان جي گهرج وڌي ويندي.
سرڪاري اسڪيم تحت 89 هزار 605 حاجين جي ڪوٽا مقرر آهي، پر هيل تائين رڳو 9 هزار کان به گهٽ درخواستون مليون آهن، سرڪاري ريگيولر اسڪيم تحت 72 هزار 869 اسپانسرشپ اسڪيم تحت درخواست ڏيندڙ جو انگ 8 هزار رهيو.
مذهبي معاملن واري وزارت موجب سرڪاري اسڪيم لاءِ مجموعي طور 235 ملين ڊالر گهربل آهن، ڪجهه ڊالر اسپانسر شپ اسڪيم ۽ ٻيا حڪومت فراهم ڪندي.
