پاڪستان 450 ملين ڊالر قرض لاءِ عالمي بئنڪ جي ھڪ ٻي شرط پوري ڪري ڇڏي، جڏھن ته عالمي بئنڪ طرفان قرض جي منظوري جا امڪان پيدا ٿي ويا آھن.
نيشنل ٽيڪس ڪونسل جي طرفان صوبن ۽ وفاق وچ ۾ سروسز تي ٽيڪس وصولي جي حد جي تعين جي قاعدن جي منظوري ڏني وئي آھي.
ناڻي واري وزارت موجب، اھو ملڪ مان ٽيڪس وصولي جي نظام کي مضبوط ڪرڻ جي لاءِ ھڪ اھم سنگ ميل آھي جيڪو عالمي بئنڪ کان قرض جي وصولي ۾ اھم ڪردار ادا ڪندو، اختيارين موجب، صوبا ڪابينا کان منظوري بعد پھرين مئي تائين ان ضمن ۾ پنھنجي فيصلي سان آگاهه ڪيو ويندو.
ذريعن جو چوڻ آھي ته سنڌ ايندڙ مالي سال کان قائدا لاڳو چاھي ٿو، جڏھن ته وفاق جو اسرار آھي ته ھلندڙ مھيني اپريل کان ئي انھن قاعدن کي لاڳو ڪيو وڃي ته جيئن عالمي بئنڪ کان قرض وٺڻ کي ممڪن بڻائي سگھجي.
پاڪستاني اختيارين جو چوڻ آھي تھ قائدن جي منظوري ۽ انھن تي عملدرآمد عالمي بئنڪ جي طرفان 450 ملين ڊالر جو قرض وٺڻ جي لاءِ رڪاوٽ ھئي جيڪا ختم ڪئي وئي آھي.
ذريعن موجب ناڻي وارو وزير اسحاق ڊار عالمي بئنڪ جي صدر سان ايندڙ ڪجهه ڏينھن اندر ملاقات ڪري قرض جي منظوري لاءِ بورڊ ميٽنگ سڏائڻ جو مطالبو ڪندو.
