آرمي چيف جنرل عاصم منير چيو آهي ته پاڪ فوج پاڪستان جي خودمختياري ۽ علائقائي سلامتي جي دفاع لاءِ هر قسم جي خطرن کي منهن ڏيڻ لاءِ تيار ۽ ڪشمير ڪاز جي حمايت لاءِ پرعزم آهي.
ڊي جي آءِ ايس پي آر طرفان جاري ڪيل بيان ۾چيو ويوته آرمي چيف جنرل عاصم منير ڪنٽرول لائن ويجهو سرحدي علائقن جو دورو ڪيو.
آرمي چيف کي ايل او سي جي صورتحال ۽ مقرر فارميشنز جي آپريشنل تيارين بابت بريفنگ ڏني وئي.
جنرل عاصم منير سرحدي چوڪين تي مقرر آفيسرن ۽ جوانن سان ملاقات ڪئي، هن جوانن تي زور ڀريو ته مقامي آباديءَ کي هر ممڪن سهڪار فراهم ڪيو وڃي.
آرمي چيف مسلسل چوڪس رهڻ، شاندار آپريشنل تيارين ۽ بلند حوصلو برقرار رکڻ تي آفيسرن ۽ جوانن جي واکاڻ ڪئي.
سندس چوڻ هو ته پاڪ فوج هر قسم خطري خلاف پاڪستان جي خودمختياري ۽ علائقائي سلامتي جي دفاع لاءِ پرعزم آهي.
هن چيو ته ڪشمير ڪاز جي حمايت لاءِ هو پرعزم آهن، ڪشمير مسئلو گڏيل قومن جي ٺهرائن موجب حل ٿيڻ گهرجي.
