سپريم ڪورٽ جي سينيئر جج جسٽس قاضي فائز عيسيٰ چيو آهي ته هو آئين جي تشريح ڪري سگهن ٿا جڏهن ناانصافي ٿيندي ته اها گهڻو وقت نه هلي سگهندي، آئين کي ان طرح پيش ناهي ڪيو ويو جنهن جو حقدار آهي، کين ڏسڻ گهرجي ته ڪوڙ ۽ بداخلاقي جا نتيجا ڪهڙا نڪرندا آهن، ڊسمبر 1971ع ۾ پاڪستان ٽٽي ويو، هي ملڪ اوچتو نه ٽٽو پر ان لاءِ ٻج پوکيو ويو ۽ جيڪو ٻج پوکيو ويو ان سان ملڪ 2 ٽڪرا ٿي ويو.
اسلام آباد ۾ ڪوٺايل آئين جي گولڊن جوبلي جي تقريب کي خطاب ڪندي جسٽس قاضي فائز عيسيٰ چيو ته هو ملڪ جي آئين جي گولڊن جوبلي ملهائي رهيا آهن، آئين هر شهري لاءِ آهي، 10 اپريل 1973ع تي گڏيل طور تي آئين ٺهيو.
سندس چوڻ هو ته آئين رڳو پارليامينٽ نه ماڻهن لاءِ به اهم آهي، آئين ۾ ماڻهن جا حقوق آهن، هڪ جدوجهد بعد پاڪستان 1947ع ۾ ٺهيو ۽ دنيا جي نقشي تي پهريون ڀيرو مسلم رياست وجود ۾ آئي.
جسٽس قاضي فائز عيسيٰ چيو ته هو آئين جي تشريح ڪري سگهن ٿا جڏهن ناانصافي ٿيندي ته اها گهڻو وقت نه هلي سگهندي، آئين کي ان طرح پيش ناهي ڪيو ويو جنهن جو حقدار آهي.
هن چيو ته کين ڏسڻ گهرجي ته ڪوڙ ۽ بداخلاقي جا نتيجا ڪهڙا نڪرندا آهن، ڊسمبر 1971ع ۾ پاڪستان ٽٽي ويو، هي ملڪ اوچتو نه ٽٽو پر ان لاءِ ٻج پوکيو ويو ۽ جيڪو ٻج پوکيو ويو ان سان ملڪ 2 ٽڪرا ٿي ويو.
سندس چوڻ هو ته 1971ع ۾ قوم جو ڪنڌ جهڪيل هوندو هو ۽ قوم شرمنده هئي پر 4 جولاءِ 1977ع تي هڪ شخص جمهوريت ۽ آئين تي وار ڪيو ۽ هڪ شخص 11 سال حڪومت ڪئي پوءِ جهاز حادثي ۾ اجل جو شڪار ٿي ويو.
سپريم ڪورٽ جي سينيئر جج جسٽس قاضي فائز عيسيٰ چيو ته سندن وٽ هڪ ڊڪٽيٽر ايندو آهي پوءِ ڪجهه وقت بعد هو پاڻ کي دوکو ڏيڻ لڳندو آهي ۽ سمجهندو آهي ته هو جمهوريت پسند آهي، 30 ڊسمبر 1985ع ۾ به مارشلا ختم ڪئي وئي.
هن چيو ته پاڪستان ٽٽڻ جو وڏو سبب غلط عدالتي فيصلو هو، 1962ع جي آئين ۾ جمهوريت کي ختم ڪيو ويو هو، 12 آڪٽوبر 1999ع ۾ هڪ ماڻهو سوچيو هو ته هن کان وڌيڪ ڪوبه ناهي ۽ هن ٻيو وار 3 نومبر 2007ع ۾ ڪيو، پرويز مشرف پنهنجو پاڻ کي آئيني تحفظ ڏنو.
سپريم ڪورٽ جي سينيئر جج جسٽس قاضي فائز عيسيٰ چيو ته جيڪڏهن ڪو فيصلو غلط آهي ته اهو غلط ئي رهندو تاريخ کين ست ڀيرا سبق ڏئي چڪي آهي، تاريخ مان ڪجهه سکيو نه ته اها پاڻ کي ورجائيندي رهندي.
سندس چوڻ هو ته سندن تي آئين جو بار وڌيڪ آهي، هر شهري ملڪ جي آئين جو پابند آهي، آئين جو وڏو حصو آهي، سندن گهرجي ته هو به پنهنجو حوصلو وڌائن.
سپريم ڪورٽ جي سينيئر جج جسٽس قاضي فائز عيسيٰ چيو ته سو موٽو جي شق مظلومن جي تحفظ جي شق آهي، پاڻمرادو نوٽيس ۾ اپيل جو حق ناهي، پاڻمرادو نوٽيس جو اختيار سپريم ڪورٽ وٽ آهي.
