” پاڻمرادو نوٽيس رڳو چيف جسٽس ئي وٺي سگهي ٿو“ سپريم ڪورٽ جسٽس قاضيٰ عيسيٰ جي فيصلي بابت پڌرنامو جاري ڪري ڇڏيو، سپريم ڪورٽ جي پڌرنامي ۾ چيو ويو آهي ته ٻن ججن جو فيصلو قانوني طور لاڳو نه ٿيندو، جسٽس قاضي فائز عيسيٰ جو فيصلو صحافين بابت پاڻمرادو نوٽيس جي پنج رڪني بئنچ جي فصيلي خلاف آهي، پنج رڪني بئنچ قرار ڏئي چڪي آهي ته پاڻمرادو نوٽيس جو اختيار چيف جسٽس وٽ آهي.
سپريم ڪورٽ جسٽس قاضيٰ عيسيٰ جي فيصلي بابت پڌرنامو جاري ڪري ڇڏيو.
سپريم ڪورٽ طرفان جاري ڪيل پڌرنامي ۾ چيو ويو آهي ته جسٽس فائز عيسيٰ ۽ جسٽس امين جي فيصلي ۾ آرٽيڪل 184 ٿري تي آبزرويشن پاڻمرادو نوٽيس ۾ اچي ٿي.
سپريم ڪورٽ طرفان جاري ڪيل پڌرنامي موجب، ٻه رڪني بينچ جو فيصلو صحافين بابت پاڻمرادو نوٽيس جي پنج رڪني بينچ جي فيصلي خلاف آهي ۽ ٻن جج جو فيصلو قانوني طور تي لاڳو ناهي ٿيندو.
عدالتي پڌرماني ۾ چيو ويو آهي ته ٻن ججن جو فيصلو پنج رڪني بئنچ جي فيصلي خلاف آهي، پنج رڪني بئنچ قرار ڏئي چڪي آهي ته پاڻمرادو نوٽيس جو اختيار چيف جسٽس وٽ آهي.
سپريم ڪورٽ طرفان جاري ڪيل پڌرنامي موجب، 15 مارچ جي فيصلي ۾ بينچ طرفان پاڻمرادو نوٽيس ورتو ويو، لارجر بينج جو قانون واضح ڪيو، ٻن ججن جو فيصلو ان جي ابتڙ آهي، ٻه رڪني بينچ جي فيصلي ۾ جيڪي به آبزرويشنز ڏنيون ويون اهي عمل ڪرڻ جوڳيون ناهن.
عدالتي پڌرماني ۾ چيو ويو آهي ته پاڻمرادو نوٽيس جو اختيار رڳو چيف جسٽس استعمال ڪري سگهي ٿو ۽ پاڻمرادو نوٽيس جو اختيار آرٽيڪل 184 ٿري جي طريقيڪار تحت ئي استعمال ٿي سگهي ٿو.
واضح رهي ته جسٽس قاضي فائز عيسيٰ جي سربراهيءَ ۾ خاص بينچ رولز ٺاهڻ تائين آرٽيڪل 184 ٿري پاڻمرادو نوٽيس جا سمورا ڪيس ملتوي ڪرڻ جو حڪم ڏنو هو.
فيصلي ۾ چيو ويو آهي ته رولز ٺاهڻ تائين آرٽيڪل 184 ٿري پاڻمرادو نوٽيس جا سمورا ڪيس ملتوي ڪيا وڃن، چيف جسٽس کي خاص بينچ ٺاهڻ جو اختيار ناهي، سپريم ڪورٽ رولز ۾ چيف جسٽس کي اسپيشل بينچ ٺاهڻ جو اختيار ناهي، اسپيشل بينچ ۾ مختلف بينچز مان هڪ هڪ جج کي شامل ڪيو ويو، عدالتي وقت ختم ٿيڻ جي وقت ڪيس ٻڌڻي لاءِ مقرر ڪيو ويو.
جسٽس قاضي فائز جي پاڻمرادو نوٽيس بابت فيصلي تي سپريم ڪورٽ جي پنج رڪني بينچ ۾ شامل جسٽس امين الدين ٻن صوبن ۾ چونڊون ملتوي ڪرڻ بابت ڪيس ٻڌڻ کان معذرت ڪئي هئي جنهن بعد لارجر بينچ ٽٽي وئي.
