پاڻي جي بجيٽ جي ڊي پي جو 15 سيڪڙو مقرر ڪرڻ گهرجي: خورشيد شاهه

پاڻي معاملن واري وفاقي وزير سيد خورشيد شاهه چيو آهي ته ملڪ جي آبادي وڌيڪ  آهي، پاڻي جي بجيٽ جي ڊي پي جو 15 سيڪڙو مقرر ڪرڻ گهرجي.

قومي اسيمبلي جي اجلاس دوران ڌيان ڇڪايو نوٽيس دوران محسن لغاري  چيو ته پاڻي سندن بقا جو مسئلو آهي، ڀارت کي جواب ڏيڻ گهرجي جيڪو نه ڏنو ويو.

ان تي پاڻي معاملن واري وفاقي وزير سيد خورشيد شاهه چيو ته هنن ترت جواب ڏنو آهي، ان بابت گڏجاڻي به آهي.

وفاقي وزير چيو ته ملڪ جي آبادي وڌيڪ آهي،پاڻي جي بجيٽ جي ڊي پي جو پندرهن سيڪڙو مقرر ڪرڻ گهرجي، ان بابت ٺهراءَ پاس ڪرڻ گهرجي.