برطانيا جي بادشاهه چارلس جي تاج پوشي تي سندس 23 ڪلو گرام وزني چاڪليٽ جو مجسمو تيار ڪيو ويو آهي.
برطانوي شهزادو چارلس جلد ئي بادشاهه چارلس بڻجي ويندو، جنهن جون تياريون زور شور سان جاري آهن، ان کي نظر ۾ رکندي هڪ عورت 17 لٽر چاڪليٽ سان سندس خوبصورت مجسمو تيار ڪيو آهي.
ان جي تياري ۾ٽوڪس، ملڪي ويَ، بائونٽي ۽ گيلڪسي چاڪليٽ لڳايا ويا آهن، جنهن جو وزن 23 ڪلوگرام تائين آهي.
مجسمي جي تياري ۾ سڀ کان اهم چئلينج اهو هو ته چاڪليٽ کي ڪنهن ريت شهزادي چارلسي جي چهري ۾ وڌو وڃي، ان لاءِ ماهرن کي گهرايو ويو، پوءِ لباس تي مختلف برانڊ جا چاڪليٽ به لڳايا ويا آهن، بادشاهه چارلس جي ان يادگار تقريب ۾ جيڪو لباس پهريندو، اهو ئي مجسمي تي لڳايو ويو آهي، ڪلهي تي پٽيون ۽ سيني تي بيج به ملڪي وي ۽ چاڪليٽ سان ٺاهيا ويا آهن.
شهزادي چارلس جي تاج پوشي جي تقريب 6 مئي تي لنڊن جي مشهور ويسٽ منسٽر ايبيَ ۾ ٿيندي.
