تحريڪ انصاف جي اڳواڻ چوڌري پرويز الاهي جي پٽ راسخ الاهي پوليس آپريشن کي لاهور هاءِ ڪورٽ ۾ چئلينج ڪري ڇڏيو آهي.
پنجاب جي اڳوڻي وڏي وزير پرويز الاهي جي پٽ راسخ الاهي لاهور هاءِ ڪورٽ ۾ داخل درخواست ۾ پنجاب حڪومت، اينٽي ڪرپشن، پوليس ۽ ٻين کي ڌر بڻايو ويو.
درخواست ۾ موقف اختيار ڪيو ويو ته پرويز الاهي جي لاهور هاءِ ڪورٽ مان حفاظتي ضمانت منظور ٿي آهي، ضمانت باوجود گهر تي آپريشن ڪري هيسايو ويو.
واضح رهي ته گذريل رات دير سان لاهور ۾ پوليس ۽ اينٽي ڪرپشن ٽيم پي ٽي آءِ اڳواڻ چوڌري پرويز الاهي جي گرفتاري لاءِ سندس گهر تي چڙهائي ڪئي هئي.
