بالي ووڊ بعد ھالي ووڊ ۾ اداڪاري جا جوھر ڏيکاريندڙ اداڪارا پريانڪا چوپڙا کي اداڪار ۽ ريسلر جان سينا نئين فلم ۾ گڏجي ڪم ڪرڻ تي ڀرپور آجيان ڪئي آھي.
اداڪارا پريانڪا چوپڙا ھالي ووڊ ۾ ھڪ نئين فلم “ھيڊ آف اسٽيٽ” ۾ ڪم ڪرڻ لاءِ تيار آھي، فلم ۾ اداڪار ادريس ايلبا ۽ جان سينا بھ ساڻس گڏ نظر ايندا.
انھي حوالي سان جان سينا ٽوئٽر تي پريانڪا چوپڙا کي پيغام ڏيندي لکيو تھ ھو اھڙي خوابن جي ٽيم کي گڏ ڪرڻ لاءِ ايمازون اسٽوڊيوز جو ٿورائتو آھي، ھيڊ آف اسٽيٽ ۾ ادريدس ايلبا ۽ اداڪارا پريانڪا چوپڙا جي ھو آجيان ڪندي ساڻن گڏجي ڪم ڪرڻ لاءِ پرجوش آھي.
پريانڪا چوپڙا جان سينا جي ٽوئٽ تي جواب ڏنو ۽ ٿورا مڃيندي چيو تھ ھوءَ بھ ساڻس گڏ ڪم ڪرڻ لاءِ بيتاب آھي.
