بالي وڊ اداڪارا پرينيتي چوپڙا جي شاديءَ جا اڄڪلهه چرچا آهن، امڪان آهي ته هوءَ جلد هڪ نوجوان سياستدان سان شادي ڪندي.
ڀارتي ميڊيا دعوا ڪئي آهي ته پرينيتي چوپڙا عام آدمي پارٽيءَ جي اڳواڻ ۽ راجيا سڀا جي ننڍي عمر واري ميمبر راگهو چڍا سان جلد شادي ڪندي.
ڀارتي ميڊيا موجب ٻنهي کي گذريل ڏينهن هڪ هوٽل ۾ به گڏ ڏٺو ويو، جنهن جي وڊيو پڻ سوشل ميڊيا تي وائرل ٿي وئي آهي.
هوڏانهن پرينيتي جي ساٿي اداڪار ۽ گلوڪار هارڊي سنڌو پڻ اداڪارا جي شاديءَ وارين خبرن جي تصديق ڪري ڇڏي آهي.
ڀارتي ميڊيا موجب پنهنجي نئين گاني “ ياد آتي هي” جي رليز جي تياريءَ دوران هڪ انٽرويو ۾ پنجابي گلوڪار هارڊي سنڌو شاديءَ جي تصديق ڪندي چيو ته پرينيتي جي شادي آخرڪار ٿي رهي آهي ۽ هوءَ تمام گهڻو خوش آهي.
هن چيو ته پرينيتي چيو هو ته هوءَ شادي تڏهن ڪندي جڏهن کيس ڪو صحيح ماڻهو ملي ويندو.
