پ پ چيئرمين ۽ پرڏيهي وزير بلاول ڀٽو زرداري، عمران خان کي سياسي دهشتگرد قرار ڏئي ڇڏيو، سندس چوڻ آهي ته سموريون ريڊ لائنز پار ڪيون ويون آهن، عمران خان سياسي دهشتگرد آهي، تحريڪ انصاف کي وڳوڙن جو جواب ڏيڻو پوندو، پي ٽي آءِ تي پابندي اڻٽر آهي، اصولي طور هو ڪنهن سياسي پارٽي مٿان پابندي جي حق ۾ ناهي.
ڪراچيءَ ۾ پريس ڪانفرنس ڪندي بلاول ڀٽو زرداري چيو ته هو ڪڏهن سياستدان جي گرفتاري تي خوشي ناهن ملهائيندا، ڪو سياستدان گرفتار ٿئي ته نقصان سياست جو ئي ٿيندو آهي.
سندس چوڻ هو ته عمران خان تي ڪرپشن جا سنگين الزام آهن هو ڪنهن به سياستدان جي گرفتاريءَ تي مٺايون نه ورهائيندا آهن نه وري جشن ملهايو ويندو آهي.
پ پ چيئرمين ۽ پرڏيهي وزير بلاول ڀٽو زرداري چيو ته گذريل 2 ڏينهن ملڪي تاريخ جا ڪارا ڏينهن آهن، سموريون ريڊ لائنز پار ڪيون ويون آهن، عمران خان سياسي دهشتگرد آهي، تحريڪ انصاف کي وڳوڙن جو جواب ڏيڻو پوندو.
هن چيو ته پي ٽي آءِ تي پابندي اڻٽر آهي، اصولي طور هو ڪنهن سياسي پارٽي مٿان پابندي جي حق ۾ ناهي.
سندس چوڻ هو ته تحريڪ انصاف تي پابندي لاءِ مڪمل طور قانوني ۽ آئيني رستو اختيار ڪرڻو پوندو، پي ٽي آءِ وارن کي فيصلو ڪرڻو پوندو ته سياسي پارٽي رهڻ چاهين ٿا يا نه.
پ پ چيئرمين ۽ پرڏيهي وزير بلاول ڀٽو زرداري چيو ته اٺن ڏينهن جي رمانڊ تي پي ٽي آءِ وارا دهشتگردي تي لهي آيا آهن، طالبان ۽ بي ايل اي کانپوءِ تحريڪ انصاف پاڪ فوج ۽ جناح هائوس تي حملا ڪيا آهن، جمهوريت ئي سمورن مسئلن جو حل آهي، جمهوريت هلندي رهي ته پي ٽي آءِ وارا بچي سگهن ٿا.
سندس چوڻ هو ته تحريڪ انصاف چيئرمين عمران خان هميشه نيب کي ختم ڪرڻ جي مخالفت ڪئي.
پ پ چيئرمين ۽ پرڏيهي وزير بلاول ڀٽو زرداري چيو ته پيپلزپارٽي شروع کان نيب جي مخالفت ۽ تحريڪ انصاف حمايت ڪندي آئي آهي، نيب قانون ۾ ترميمن کي عمران خان اين آر او قرار ڏئي رد ڪيو، نيب جي اداري کي هميشه لاءِ بند ڪرڻو پوندو.
