پاڪستان جي ٻن ڏينهن جي دوري تي اسلام آباد پهتل چيني پرڏيهي وزير چن گانگ پرڏيهي آفيس پهچي ويو.
پرڏيهي وزير بلاول ڀٽو زرداري پرڏيهي آفيس پهچڻ تي چيني هم منصب جو آڌر ڀاءُ ڪيو.
ان موقعي تي مملڪتي وزير حنا رباني کر به موجود هئي.
پرڏيهي وزير بلاول ڀٽو زرداري سان چيني هم منصب پرڏيهي آفيس ۾ ملاقات ڪئي.
ملاقات دوران گڏيل دلچسپي جي معاملن سميت علاقائي صورتحال بابت ڳالهيون ڪيون ويون.
پرڏيهي آفيس ۾ ٿيل ملاقات ۾ بلاول ڀٽو زرداري ۽ چن گانگ ٻنهي ملڪن ۾ واپار ۽ بچاءَ جا لاڳاپا وڌائڻ بابت ڳالهيون ڪيون، علاقائي ۽ عالمي چئلينجن کي منهن ڏيڻ لاءِ گڏيل ڪوششن تي اتفاق ڪيو ويو.
