پرڏيهي وزير بلاول ڀٽو زرداري مئي مهيني ۾ ڀارت جو دورو ڪندو، پرڏيهي ترجمان ممتاز زهرا بلوچ بلاول ڀٽو زرداري جي ڀارتي دوري جي تصديق ڪري ڇڏي، بلاول ڀٽو زرداري 12 سالن کانپوءِ ڀارت جو دورو ڪندڙ پاڪستاني پرڏيهي وزير هوندو.
پرڏيهي آفيس جي ترجمان ممتاز زهرا بلوچ هفتيوار بريفنگ ڏيندي چيو ته چار ۽ پنج مئي تي بلاول ڀٽو زرداري گووا ۾ رٿيل شنگهائي سهڪاري تنطيم جي پرڏيهي وزيرن جي اجلاس ۾ پاڪستاني وفد جي قيادت ڪندو.
ذريعن موجب بلاول ڀٽو زرداري 2016ع کانپوءِ ڀارت جو دورو ڪندڙ پهريون پاڪستاني پرڏيهي وزير هوندو.
ترجمان موجب ميمبر ڊيزاسٽر اٿارٽي اڄ شنگهائي سهڪاري تنظيم جي اجلاس ۾ ورچوئل شرڪت ڪري رهيو آهي.
هن چيو ته ماحولياتي تبديلي واري وفاقي وزير شيري رحمان شنگهائي سهڪاري تنظيم جي دهلي ۾ رٿيل اجلاس ۾ ورچوئل شرڪت ڪئي، ساڻس ڊي جي نيشنل ڊيزاسٽر اٿارٽي به ورچوئل شريڪ ٿيو.
پرڏيهي آفيس جي ترجمان ممتاز زهرا بلوچ چيو ته ڀارتي دوري لاءِ سندن تياري آهي، ڀارتي دوري تي ميڊيا جي شرڪت لاءِ به رهنمائي ڪندو.
ٻئي طرف ڀارت ۾ هلندڙ مهيني جي آخر ۾ رٿيل شنگهائي سهڪاري تنظيم جي دفاع وارن وزيرن جي اجلاس ۾ بچاءَ واري وزير خواجه آصف شرڪت نه ڪرڻ جو فيصلو ڪيو آهي.
ذريعن موجب خواجه آصف شنگهائي سهڪاري تنظيم جي اجلاس ۾ ورچوئل شرڪت ڪندو.
