پشاور سينٽرل جيل ۾ قيدي وڙهي پيا، جيل اهلڪار سميت ڪيترائي زخمي

پشاور: سينٽرل جيل ۾ قيدين وچ ۾ جهيڙو ٿي پيو، جنهن جي نتيجي ۾ جيل اهلڪار سميت ڪيترائي قيدي زخمي ٿي پيا.

سپرنٽينڊنٽ سينٽرل جيل مقصود خان موجب قيدين جي مخالف گروپن ۾ جهيڙو ٿيو، جنهن ۾ 4 ڄڻا معمولي زخمي ٿي پيا.

ايس پي جيل جو چوڻ هو ته جهيڙي دوران قيدين جي وچ ۾ دشمني آهي، جهيڙي دوران جيل اهلڪارن کي معمولي چوٽ به آئي.

هن وڌيڪ چيو ته واقعي جي ايف آءِ آر داخل ڪئي وئي آهي ۽ جهيڙي ۾ ملوث قيدين کي مختلف جيلن ڏانهن اماڻيو پيو وڃي.