سڌ سماءَ واري وفاقي وزير مريم اورنگزيب چيو آهي ته پنجاب اسيمبليءَ جي چونڊن لاءِ نامزدگي ڪاغذ واپس وٺڻ بابت اطلاع ڪوڙا، پروپيگنڊا ۽ افواهن تي ٻڌل آهن، حڪومت ۾ شامل پارٽيون ملڪ ۾ هڪ ئي ڏينهن چونڊون چاهن ٿيون، ميڊيا اهڙي خبر هلائڻ کان اڳ ترجمان کان تصديق ڪري، فارن ايجنٽ، فتني، آئين ٽوڙيندڙ ۽ گهڙي چور جو ڊڄي مقابلو ڪيو ويندو.
سماجي رابطن واري ويب سائيٽ ٽوئيٽر تي جاري ڪيل ٽوئٽ ۾ مريم اورنگزيب چيو ته پنجاب اسيمبليءَ جي چونڊن لاءِ نامزدگي ڪاغذ واپس وٺڻ بابت اطلاع ڪوڙا، پروپيگنڊا ۽ افواهن تي ٻڌل آهن.
سندس چوڻ هو ته حڪومت ۾ شامل پارٽيون ملڪ ۾ هڪ ئي ڏينهن چونڊون چاهن ٿيون، ميڊيا اهڙي خبر هلائڻ کان اڳ ترجمان کان تصديق ڪري.
سڌ سماءَ واري وفاقي وزير مريم اورنگزيب چيو ته فارن ايجنٽ، فتني، آئين ٽوڙيندڙ ۽ گهڙي چور جو ڄمي مقابلو ڪيو ويندو.
ان کان اڳ سماجي رابطن واري ويب سائيٽ ٽوئيٽر تي عمران خان جي ٽوئٽ تي رد عمل ڏيندي ڪندي سڌ سماءَ واري وفاقي وزير مريم اورنگزيب چيو ته لسٻيلا هيليڪاپٽر جي شهيدن خلاف مهم ۽ سائفر جو ڪوڙ ٺاهيو.
سندس چوڻ هو ته قومي سلامتي ڪميٽي ذريعي سائفر کي سچ بڻائڻ جي ڪريل ۽ گندي راند اوهان کيڏي هئي.
سڌ سماءَ واري وفاقي وزير مريم اورنگزيب چيو ته ٽيرين جا والد، آئين ٽوڙيندڙ، فارن ايجنٽ، گهڙي چور ۽ نااهل رڳو اوهان ئي آهيو.
