پنجاب ۾ عام چونڊن لاءِ فنڊز جاري ڪرڻ واري معاملي بابت سپريم ڪورٽ ۾ ان چيمبر ٻڌڻي ٿي رهي آهي.
چيف جسٽس عمر عطا بنديال جي سربراهيءَ ۾ ٽه رڪني بينچ ٻڌڻي ڪندي، سپريم ڪورٽ جي سمورن عملدارن کي چيف جسٽس چيمبر ۾ طلب ڪيو ويو آهي.
ذريعن موجب، ٽئي جج اسٽيٽ بينڪ ۽ ناڻي واري وزارت جي فراهم ڪيل رڪارڊ جو جائزو وٺندا.
سيڪريٽري اليڪشن ڪميشن پنجاب ۽ ڪي پي ۾ چونڊن بابت اڳڀرائي کان آگاهه ڪندو.
ناڻي واري وزارت ۽ اسٽيٽ بينڪ عملدار فنڊز بابت رپورٽ پيش ڪندا.
ذريعن جو چوڻ آهي ته اٽارني جنرل ججن کي فنڊز جي فراهمي بابت پارليامينٽ ۾ ٿيل اڳڀرائي بابت آگاهه ڪندو.
ياد رهي ته سپريم ڪورٽ 12 اپريل تي اليڪشن ڪميشن طرفان فنڊز جي عدم فراهمي جي رپورٽ تي نوٽيسز جاري ڪيا هئا.
سپريم ڪورٽ پنجاب ۾ چونڊن لاءِ وفاقي حڪومت کي 21 ارب رپيا جاري ڪرڻ جي هدايت ڪئي هئي.
