پنجاب ۾ عام چونڊن بابت اليڪشن ڪميشن فنڊن بابت رپورٽ سپريم ڪورٽ ۾ جمع ڪرائي ڇڏي آهي.
اليڪشن ڪميشن طرفان سپريم ڪورٽ جي رجسٽرار آفيس ۾ جمع ڪرايل جواب ۾ چيو ويو ته حڪومت اليڪشن ڪميشن کي 21 ارب رپيا فراهم ناهن ڪيا.
رپورٽ سپريم ڪورٽ جي چيف جسٽس، عمر عطا بنديال، جسٽس اعجازالاحسن ۽ جسٽس منيب اختر کي موڪلي ويندي.
اليڪشن ڪميشن رپورٽ ۾ چيو ته پنجاب جي نگران حڪومت جو چوڻ آهي ته سڪيورٽي لاءِ رڳو 75 هزار اهلڪار ڏئي سگهجن ٿا، پنجاب ۾ چونڊن لاءِ 3 لک سڪيورٽي اهلڪارن جي کوٽ آهي.
سپريم ڪورٽ، پنجاب ۾ اليڪشن لاءِ 10 اپريل تائين فنڊ فراهم ڪرڻ لاءِ چيو هو.
