اڳوڻي صدر آصف علي زرداري چيو آهي ته ملڪ بچائڻ لاءِ عمران خان کي اقتدار مان ڪڍيو، پنهنجي حياتيءَ ۾ هو بلاول کي وزيراعظم بڻائڻ چاهي ٿو.
نوابشاهه ۾ ڪارڪنن کي خطاب ڪندي آصف علي زرداري چيو ته پ پ اتحادي حڪومت جو حصو آهي، جيڪي وزارت وٽن آهن، انهن ۾ ضرور ڪم ڪندا، پ پ جي حڪومت آئي ته هو اڳ جيان عوام جي خدمت ڪندا.
هن چيو ته هن وقت ملڪ جي معاشي حالت بهترنه آهي، پاڪستان کي بچائڻ لاءِ ئي هنن عمران خان کي ڪڍيو.
آصف زرداري چيو ته هو پنهنجي حياتيءَ ۾ بلاول کي وزيراعظم ڏسڻ چاهي ٿو ۽ کيس وزيراعظم بڻجڻ تي راضي پيو ڪري، پر اڃا تائين راضي ناهي ٿيو.
