پ پ اڳواڻ ۽ ناليواري قانوندان فاروق ايڇ نائڪ چيو آهي ته پهريان معاشي ۽ سياسي بحران آيو، هاڻي آئيني بحران آيو آهي، سياسي پارٽيون عوام دوست ۽ سمجهو آهن ته انهن کي بنا شرط ڳالهين لاءِ راضي ٿيڻو پوندو، سڀني کي گڏ ويهي منزل چونڊڻي پوندي نه ته اهو ملڪي بقا ۽ عدليا لاءِ ٺيڪ نه هوندو.
حيدرآباد ۾ ميڊيا سان ڳالهائيندي فاروق ايڇ نائڪ چيو ته سياسي پارٽيون عوام دوست ۽ سمجهو آهن ته انهن کي بنا شرط ڳالهين لاءِ راضي ٿيڻو پوندو، جيڪڏهن پهريان ئي جا شرط رکي ويندي ته ڳالهيون ناڪام ٿينديون.
هن چيو ته عوام سئو ڌڙن ۾ ورهائجي ويو آهي، جيڪو ملڪ لاءِ سٺو عمل ناهي، پنجاب اسيمبيل جي ڪيس ۾ حڪومتي موقف هو ته لارجر بئنچ ٺهي، پر نه جوڙي وئي.
فاروق ايڇ نائڪ چيو ته پهريان معاشي ۽ سياسي بحران آيو، هاڻي آئيني بحران آيو آهي، آئين جي گولڊن جوبلي تقريب ۾ ٻين شعبن جيان عدليا کي به دعوت ڏني وئي هئي، جسٽس قاضي فائز آئين موجب ڳالهيون ڪيون.
هن چيو ته جسٽس فائز عيسيٰ چيو ته وٽس جيڪو ڪيس ايندو هو ان جو فيصلو آئين موجب ڪندو، ان ڳالهه ۾ ڪو مونجهارو ناهي، جيڪڏهن ڪو آڱر کڻي ٿو ته هو ان کي توهين عدالت سمجهندو.
