آءِ جي سنڌ پوليس غلام نبي ميمڻ چيو آهي ته پوليس جو مورال بلند آهي، ڪچي ۾ 40 سالن جو گند صاف ڪرڻ ۾ وقت لڳندو.
آءِ جي غلام نبي ميمڻ نئين ديري پهچي گهوٽڪي جي ڪچي واري علائقي ۾ شهيد پوليس اهلڪار ڪشور ڪمار جي وارثن سان تعزيت ڪري ڏک جو اظهار ڪيو.
ان موقعي تي ميڊيا سان ڳالهائيندي آءِ جي سنڌ غلام نبي ميمڻ چيو ته ڌاڙيلن سان جهيڙيندي شهيد ٿي ويل جوانن جي خاندانن جي ڀرپور مدد ڪئي ويندي.
هن چيپ تج ڪشمور ضلعي ۾ امن امان قائم ڪرڻ لاءِ مسئلا پيدا ٿي رهيا آهن، سنڌ جي ٻين ضلعن ۾ صورتحال بهتر آهي.
آءِ جي چيو ته پوليس خلاف ميڊيا تي اجايو واويلا ڪئي پئي وڃي، ٽن مهينن دوران پوليس آپريشن ۾ 18 ڌاڙيلن کي ماريو ويو ۽ 40 کي زخمي ڪيو ويو آهي، هيل تائين 2سئو ڏوهارين کي گرفتار ڪيو ويو آهي.
غلام نبي ميمڻ چيو ته پوليس جو مورال بلند آهي، ڪچي ۾ 40 سالن جو گند صاف ڪرڻ ۾ وقت لڳندو.
