بلاول ڀٽو زرداري طرفان پروفيسر اجمل ساوند جي قتل جي مذمت

پاڪستان پيپلزپارٽي جي چيئرمين بلاول ڀٽو زرداري پروفيسر اجمل ساوند جي قتل جي مذمت ڪندي جوابدارن کي جلد گرفتار ڪرڻ جي هدايت ڪئي آهي.

بلاول ڀٽو زرداري پنهنجي پيغام ۾ چيو آهي ته اجمل ساوند هڪ علم دوست شخصيت هو، سندس قتل جو ٻڌي تمام گھڻو صدمو رسيو.

هن سنڌ سرڪار ۽ پوليس عملدارن کي هدايت ڪئي ته مقتول پروفيسر اجمل ساوند جي قاتلن کي فوري طور گرفتار قانون جي ڪٽهڙي ۾ آندو وڃي.

پ پ چيئرمين بلاول ڀٽو زرداري پروفيسر اجمل ساوند جي قتل تي سندس وارثن ۽ شاگردن سان افسوس جو اظهار پڻ ڪيو..