پيپلز پارٽي سنڌ، هڪ ئي ڏينهن عام چونڊون ڪرائڻ لاءِ 25 اپريل تي احتجاجي مظاهرن جو اعلان ڪري ڇڏيو، نثار احمد کهڙي جو چوڻ آهي ته 25 اپريل تي سموري سنڌ جي ضلعي هيڊ ڪوارٽرن ۾ مظاهرا ڪيا ويندا، سنڌ کي هڪ ئي ڏينهن چونڊ ڪرائڻ کانسواءِ الڳ الڳ چونڊ جو فيصلو قبول ناهي، قومي ۽ صوبائي اسيمبلين جون چونڊون هڪ ئي ڏينهن ٿيڻ گهرجن.
پيپلز پارٽي سنڌ، هڪ ئي ڏينهن عام چونڊون ڪرائڻ لاءِ 25 اپريل تي احتجاجي مظاهرن جو اعلان ڪري ڇڏيو.
پ پ سنڌ جي صدر نثار احمد کهڙي جو چوڻ آهي ته پيپلز پارٽي طرفان 25 اپريل تي سموري سنڌ جي ضلعي هيڊ ڪوارٽرن ۾ احتجاجي مظاهرا ڪيا ويندا.
سندس چوڻ هو ته سنڌ کي هڪ ئي ڏينهن چونڊ ڪرائڻ کانسواءِ الڳ الڳ چونڊ جو فيصلو قبول ناهي، اليڪشن ايڪٽ جي شق 69 تحت ملڪ ۾ قومي ۽ صوبائي اسيمبلين جون چونڊون هڪ ئي ڏينهن ٿيڻ گهرجن.
پ پ سنڌ جي صدر نثار کهڙي چيو ته ڌار ڌار چونڊون ملڪ کي ٻن حصن ۾ ورهائڻ جي برابر عمل هوندو، ٻن صوبن ۾ چونڊون قومي ۽ ٻن صوبن جي چونڊن نتيجن تي اثر انداز ٿيڻ جو پلان آهي.
هن چقو ته عدالت عمران خان جي سازشي ارادرن جو هٿيار نه بڻجي، سنڌ پاڪستان کي ٺاهيو، سنڌ ملڪ ي ٻن حصن ۾ ورهائڻ نه ڏيندي.
سندس چوڻ هو ته چونڊون ڪرائڻ اليڪشن ڪميشن جو اختيار آهي، چونڊن جو فيصلو اليڪشن ڪميشن کي ڪرڻ ڏنو وڃي، اليڪشن ڪميشن جي اختيارن ۾ مداخلت چونڊن کي ڌانڌلي زده بڻائڻ ڪوشش هوندي.
پ پ سنڌ جي صدر نثار کهڙي چيو ته عدالت فل ڪورٽ جوڙي پنهنجي فيصلي تي نظرثاني ڪري، پنجاب ۽ ڪي پي اسيمبليون بحال ڪرڻيون پون ته ڪيون وڃن، آئيني مدو پورو ٿيڻ تي نگران حڪومتون قائم ٿينديون جنهن بعد ملڪ ۾ هڪ ئي ڏينهن چونڊون ڪرايون وڃن.
