سنڌ جي اطلاعات کاتي واري وزير شرجيل انعام ميمڻ چيو آهي ته پيپلز پارٽي ڪنهن به سياسي مخالف جي گرفتاريءَ تي خوش ناهي ٿيندي، نيب راولپنڊي عمران خان کي ڪرپشن جي الزام ۾ گرفتار ڪيو آهي، عمران خان ۽ سندس فيملي القادر ٽرسٽ جا بينيفشري آهن، عمران خان کي نيب ۽ عدالتن ۾ پنهنجي بيگناهي ثابت ڪرڻي پوندي، جن بسن ۽ ٻين ملڪيتن کي ساڙيو آهي گرفتار ڪيو ويندو، عمران خان جي دشمني ماڻهن سان نه پر ملڪ سان آهي، تحريڪ انصاف وارن جيڪو ڪجهه ڪيو اهو سڀني جي سامهون آهي، اوهان ملڪ ۾ اهو ڪجهه ڪيو جيڪو پهريان ڪڏهن ناهي ٿيو.
ڪراچيءَ ۾ پريس ڪانفرنس ڪندي شرجيل ميمڻ چيو ته نيب راولپنڊي عمران خان کي ڪرپشن ڪيس ۾ گرفتار ڪيو آهي، ان کان اڳ مختلف سياسي اڳواڻن کي ڪرپشن ڪيسن ۾ گرفتار ڪيو ويو.
سندس چوڻ هو ته عمران خان کي القادر ٽرسٽ ۾ اربين رپين جي ڪرپشن ۾ گرفتار ڪيو ويو آهي.
صوبائي وزير شرجيل ميمڻ چيو ته عمران خان ۽ سندس خاندان القادر ٽرسٽ ۾ اربين رپين جي ڪرپشن ڪئي، عمران خان کي اربين رپين جي ڌاڙي جو حساب ڏيڻو پوندو.
هن چيو ته پيپلز پارٽي ڪنهن به سياسي مخالف جي گرفتاريءَ تي خوش ناهي ٿيندي، بنا وارنٽ جي کيس عدالت جي اڱڻ مان گرفتار ڪيو ويو هو.
صوبائي وزير شرجيل ميمڻ چيو ته سموري ميڊيا اتي موجود هئي، عمران خان جا گرفتاري وارنٽ جاري ٿيل هئا، عمران خان کي نيب ۽ عدالتن ۾ پنهنجي بيگناهي ثابت ڪرڻي پوندي.
سندس چوڻ هو ته عمران خان پنهنجي حڪومتي دور ۾ نيب ذريعي سياسي مخالفن کي انتقام جو نشانو بڻايو، سنڌ اسيمبليءَ جو اسپيڪر آغا سراج دراني ڪيترن ئي ورهين کان جيل ۾ آهي.
سنڌ جي اطلاعات کاتي واري وزير شرجيل انعام ميمڻ چيو ته جن بسن ۽ ٻين ملڪيتن کي ساڙيو آهي گرفتار ڪيو ويندو، عمران خان جي دشمني ماڻهن سان نه پر ملڪ سان آهي، تحريڪ انصاف وارن جيڪو ڪجهه ڪيو اهو سڀني جي سامهون آهي، اوهان ملڪ ۾ اهو ڪجهه ڪيو جيڪو پهريان ڪڏهن ناهي ٿيو.
