پاڪستان ڪرڪيٽ بورڊ جي مئنيجمينٽ ڪميٽي نيوزيلينڊ خلاف سيريز لاءِ ٽيم مئنيجمينٽ جو اعلان ڪري ڇڏيو.
مئنيجمينٽ ڪميٽي طرفان ڪيل فيصلي موجب، منصور راڻا جي جاءِ تي ريحان الحق کي قومي ٽيم جو مئنيجر مقرر ڪيو ويو آھي، جڏھن تھ گرانڊ بريڊ برن ھيڊ ڪوچ جون ذميواريون نڀائيندو.
عبدالرحمان معاون ڪوچ ھوندو، جڏھن تھ اينڊريو پيوٽڪ بيٽنگ ڪوچ ۽ عمر گل بالنگ ڪوچ مقرر ڪيو ويو آھي.
اعلان موجب، ڪلف ڊڪن فزيو ٿراپسٽ، ڊڪس سائمن اسٽرينٿ اينڊ ڪنڊيشننگ ڪوچ جا فرض ادا ڪندو.
پرڏيھي ڪوچ 11 اپريل تي لاھور پھچي ذميواريون سنڀاليندا، ڪوچنگ اسٽاف جي مقرر رڳو نيوزيلينڊ سيريز لاءِ ڪئي وئي آھي.
پي سي بي ڄاڻايل عھديدارن کي ڊگھي مدي تائين مقرري لاءِ اشتھار جاري ڪيو آھي جنھن تحت درخواستون ڏيڻ جي آخري تاريخ 17 اپريل آھي.
ڪاغذي ڪارروائي پوري ٿيڻ بعد ڊگھي عرصي جي لاءِ انھن عھدن تي ڪنٽريڪٽ جاري ڪيا ويندا.
