پي ٽي آءِ پاران اڳوڻي وزيراعظم عمران خان جي گرفتاري کي قانوني قرار ڏيڻ واري اسلام آباد هاءِ ڪورٽ جي فيصلي کي چئلينج فيصلو ۽ عمران خان کي آزادي تائين سڄي ملڪ ۾ پرامن احتجاج جاري رکڻ جو اعلان ڪري ڇڏيو.
ميڊيا رپورٽن موجب، عمران خان جي گرفتاري کانپوءِ پي ٽي آءِ جي سينيئر قيادت جو اهم هنگامي اجلاس وائيس چيئرمين شاهه محمود قريشي جي صدارت هيٺ ٿيو.
رپورٽن موجب، اجلاس ۾ مرڪزي اڳواڻن ۽ ايمرجنسي ڪميٽي جي ميمبرن شرڪت ڪئي، جنهن ۾ اسلام آباد هاءِ ڪورٽ پاران عمران خان جي گرفتاري کي قانون موجب قرار ڏيڻ واري فيصلي کي سپريم ڪورٽ ۾ چئلينج ڪرڻ جو به فيصلو ڪيو ويو.
پي ٽي آءِ جي وائيس چيئرمين شاهه محمود قريشي چيو آهي ته عمران خان جي گرفتاري کانپوءِ اسلام آباد پهتو جتي هن سينيئر قيادت سان ڳالهه ٻولهه ڪئي.
سندس چوڻ هو ته هو اڄ اسلام آباد هاءِ ڪورٽ جي فيصلي کي سپريم ڪورٽ ۾ چئلينج ڪندا ۽ سينيئر قيادت عمران خان سان نيب ڪورٽ ۾ ملاقات ڪندي.
شاهه محمود قريشي چيو ته عمران خان جي گرفتاري تي سڄي ملڪ ۾ احتجاج هڪ فطري عمل هو، جنهن انداز ۾ اڳوڻي وزيراعظم ۽ پارٽي چيئرمين کي گرفتار ڪيو ويو اهو فطري آهي، عمران خان جي گرفتاري ناانصافي آهي.
هن چيو ته ڪارڪن احتجاج ڪري رهيا آهن ۽ احتجاج جاري رکن پر پرامن احتجاج سڀني جو قانوني ۽ آئيني حق آهي.
