تحريڪ انصاف خيبرپختونخوا ۾ چونڊن جي تاريخ نه ڏيڻ تي سپريم ڪورٽ ۾درخواست داخل ڪرائي آهي.
پي ٽي آءِ طرفان داخل ڪرايل درخواست ۾ اليڪشن ڪميشن ۽ ڪي پي گورنر کي ڌر بڻايو ويو آهي.
درخواست ۾چيو ويو ته گورنر پهرين مارچ واري عدالتي حڪم تي عمل نه پيو ڪري، گورنر ميڊيا تي 28 مئي جي تاريخ جو اعلان ڪيو پوءِ ڦري ويو، آئين موجب 90 ڏينهن ۾ چونڊون ضروري آهن، گورنر عدالتي حڪم جي ڀڃڪڙي ڪري رهيو آهي.
داخل ڪرايل درخواست ۾ چيو ويو ته سپريم ڪورٽ ڪي پي جي گورنر کي چونڊن جي تاريخ ڏيڻ جو حڪم ڏي ۽ کيس 90 ڏينهن واري مدي جي ويجهي تاريخ ڏيڻ جي هدايت ڪئي وڃي.
درخواست ۾ چيو ويو ته سمورن وفاقي ۽ صوبائي ادارن کي چونڊن لاءِ اليڪشن ڪميشن جي مدد جو حڪم ڏنو وڃي.
