پي ٽي آءِ چيئرمين عمران خان ايندڙ هفتي کان 14 مئي تائين جلسا ڪرڻ جو اعلان ڪندي چيو آهي ته اليڪشن ٿيڻ تائين هو خاموش نه ويهندو، پرڏيهي وزير بلاول جو ڀارتي دورو پاڪستان جي تذليل جو سبب بڻيو، ڀارتي پرڏيهي وزير پاڪستان جي تذليل ڪئي.
پي ٽي آءِ جي لاهور ۾ چيف جسٽس سان ٻڌيءَ جي اظهار لاءِ ڪڍيل ريلي کي خطاب ڪندي عمران خان 14 مئي تي چونڊون نه ٿيون ته هو روڊن تي هوندا، ايندڙ هفتي کان 14 مئي تائين جلسا ڪيا ويندا.
هن چيو ته مٿن قاتلاڻا حملا ٿيا، پر ڪنهن کي به پرواهه ناهي، قوم جو نقصان ٿي رهيو آهي، قانون جي حڪمراني لاءِ سڀ ماڻهو نڪري رهيا آهن.
عمران خان چيو ته آئين چوي ٿو ته اسيمبليون ٽوڙڻ بعد 90 ڏينهن ۾ اليڪشن ٿيندي آهي، ان تي سمورا جج ۽ وڪيل متفق آهن، چيف جسٽس چيو ته ڳالهيون ڪريو، هنن ڳالهيون ڪيون، ساڻن هر قسم جو بهانو بڻايو ويو، چيو ويو ته پيسا ناهن.
پي ٽي آءِ چيئرمين چيو ته هو چوڻ چاهي ٿو ته سموري قوم چيف جسٽس سان گڏ بيٺل آهن، هو رڳو اليڪشن چاهن ٿا، ملڪ مهانگائيءَ جي ڌٻڻ ۾ ڦاٿل آهي.
عمران خان چيو ته پرڏيهي وزير بلاول جو ڀارتي دورو پاڪستان جي تذليل جو سبب بڻيو، ڀارتي پرڏيهي وزير پاڪستان جي تذليل ڪئي.
