پي ٽي آءِ چيئرمين ۽ اڳوڻو وزيراعظم عمران خان اسلام آباد مان گرفتار ٿي ويو، کيس نيب منتقل ڪيو ويو آهي، اسلام آباد هائيڪورٽ جي چيف جسٽس، پي ٽي آءِ چيئرمين جي گرفتاري قانوني يا غير قانوني هجڻ بابت فيصلو محفوظ ڪري ورتو آهي.
رينجرز نيب جي هدايت تي پي ٽي آءِ چيئرمين عمران خان کي اسلام آباد هائيڪورٽ جي اڱڻ مان گرفتار ڪيو.
گرفتاريءَ بعد عمران خان کي نيب منتقل ڪيو ويو آهي.
آءِ جي اسلام آباد موجب عمران خان القادر يونيورسٽي ٽرسٽ ۽توشا خانا ڪيس ۾ گرفتار ڪيو ويو آهي، کيس ليگل نوٽيس ڏيکاري گرفتار ڪيو ويو.
هن چيو ته اسلام آباد ۾ قلم 144 لاڳو آهي، ڀڃڪڙي ڪندڙ خلاف ڪارروائي ٿيندي.
نيب طرفان عمران خان جي گرفتاريءَ جي تصديق ڪندي چيو ويو ته پي ٽي آءِ چيئرمين القادر ٽرسٽ ڪيس ۾ گرفتار ڪيو ويو آهي.
ترجمان چيو ته عمران خان جي گرفتاريءَ وارنٽ ڏيکاري گرفتار ڪيو ويو، پي ٽي آءِ چيئرمين نيب جي نوٽيسن جو ڪو به جواب نه ڏنو سندس گرفتاري نيب آرڊيننس ۽ قانون موجب آهي.
اسلام آباد هائيڪورٽ جي چيف جسٽس، پي ٽي آءِ چيئرمين جي گرفتاريءَ جو نوٽيس وٺندي آءِ جي اسلام آباد کي طلب ڪري ورتو.
عدالت ۾ ٻڌڻي شروع ٿي ته نيب پراسيڪويٽر عدالت کي ٻڌايو ته عمران خان جي گرفتاريءَ جو پهرين مئي تي وارنٽ جاري ڪيو ويو هو.
چيف جسٽس پڇاڻو ڪيو ته وارنٽ تي عمل وقت نيب جو ڪو آفيسر موجود هو؟ نيب پراسيڪيوٽر ٻڌايو ته نيب جو فيصلو بيلا روڊ تي هو، نيب جو جاچ آفيسر هاڻي عدالتي ڪمري ۾ به موجود ناهي.
پراسيڪيوٽر ٻڌايو ته نيب جي وارنٽ تي عمل لاءِ گهرو وزارت کي 8 مئي تي خط لکيو، جنهن تي چيف جسٽس چيو ته سندس نظر ۾ عدالت اندر جيڪو به ٿيو ظاهري طور غلط ٿيو، ڇا عدالتي اڱڻ مان گرفتاريءَ ٿي سگهي ٿي؟
پراسيڪيوٽر ٻڌايو ته گرفتاريءَ ۾ مزاحمت ڪئي وڃي ته قانون سختي ڪرڻ جي اجازت ڏي ٿو، انڪوائري کي انويسٽيگيشن ۾ تبديل ڪيو ويو آهي.
عدالت ڌرين جو موقف ٻڌڻ بعد عمران خان جي گرفتاري قانوني يا غير قانوني هجڻ بابت فيصلو محفوظ ڪري ورتو، جيڪو ڪجهه دير ۾ ٻڌايو ويندو.
اوهان کي هڪ دفعو ٻيهر ٻڌائيند اهلون ته پي ٽي آءِ چيئرمين ۽ اڳوڻو وزيراعظم عمران خان اسلام آباد مان گرفتار ٿي ويو، کيس نيب منتقل ڪيو ويو آهي، اسلام آباد هائيڪورٽ جي چيف جسٽس، پي ٽي آءِ چيئرمين جي گرفتاري قانوني يا غير قانوني هجڻ بابت فيصلو محفوظ ڪري ورتو آهي.
رينجرز نيب جي هدايت تي پي ٽي آءِ چيئرمين عمران خان کي اسلام آباد هائيڪورٽ جي اڱڻ مان گرفتار ڪيو.
گرفتاريءَ بعد عمران خان کي نيب منتقل ڪيو ويو آهي.
آءِ جي اسلام آباد موجب عمران خان القادر يونيورسٽي ٽرسٽ ۽توشا خانا ڪيس ۾ گرفتار ڪيو ويو آهي، کيس ليگل نوٽيس ڏيکاري گرفتار ڪيو ويو.
هن چيو ته اسلام آباد ۾ قلم 144 لاڳو آهي، ڀڃڪڙي ڪندڙ خلاف ڪارروائي ٿيندي.
نيب طرفان عمران خان جي گرفتاريءَ جي تصديق ڪندي چيو ويو ته پي ٽي آءِ چيئرمين القادر ٽرسٽ ڪيس ۾ گرفتار ڪيو ويو آهي.
ترجمان چيو ته عمران خان جي گرفتاريءَ وارنٽ ڏيکاري گرفتار ڪيو ويو، پي ٽي آءِ چيئرمين نيب جي نوٽيسن جو ڪو به جواب نه ڏنو سندس گرفتاري نيب آرڊيننس ۽ قانون موجب آهي.
اسلام آباد هائيڪورٽ جي چيف جسٽس، پي ٽي آءِ چيئرمين جي گرفتاريءَ جو نوٽيس وٺندي آءِ جي اسلام آباد کي طلب ڪري ورتو.
عدالت ۾ ٻڌڻي شروع ٿي ته نيب پراسيڪويٽر عدالت کي ٻڌايو ته عمران خان جي گرفتاريءَ جو پهرين مئي تي وارنٽ جاري ڪيو ويو هو.
چيف جسٽس پڇاڻو ڪيو ته وارنٽ تي عمل وقت نيب جو ڪو آفيسر موجود هو؟ نيب پراسيڪيوٽر ٻڌايو ته نيب جو فيصلو بيلا روڊ تي هو، نيب جو جاچ آفيسر هاڻي عدالتي ڪمري ۾ به موجود ناهي.
پراسيڪيوٽر ٻڌايو ته نيب جي وارنٽ تي عمل لاءِ گهرو وزارت کي 8 مئي تي خط لکيو، جنهن تي چيف جسٽس چيو ته سندس نظر ۾ عدالت اندر جيڪو به ٿيو ظاهري طور غلط ٿيو، ڇا عدالتي اڱڻ مان گرفتاريءَ ٿي سگهي ٿي؟
پراسيڪيوٽر ٻڌايو ته گرفتاريءَ ۾ مزاحمت ڪئي وڃي ته قانون سختي ڪرڻ جي اجازت ڏي ٿو، انڪوائري کي انويسٽيگيشن ۾ تبديل ڪيو ويو آهي.
عدالت ڌرين جو موقف ٻڌڻ بعد عمران خان جي گرفتاري قانوني يا غير قانوني هجڻ بابت فيصلو محفوظ ڪري ورتو، جيڪو ڪجهه دير ۾ ٻڌايو ويندو.
