تحريڪ انصاف اڳواڻ فواد چوڌري چيو آهي ته پي ڊي ايم اقتدار لاءِ فوج کان عدليه تائين سڀني کي تڪراري بڻائي ڇڏيو آهي.
ٽوئٽر تي هڪ بيان ۾ فواد چوڌري چيو ته پي ڊي ايم سمورن ادارن کي تڪراري بڻائي اقتدار ۾ رهڻ جي خواهشمند آهي، حڪومتي اتحاد اليڪشن کان بچڻ لاءِ سپريم ڪورٽ خلاف مهم هلائي رهيو آهي.
هن چيو ته سپريم ڪورٽ ڪهڙي قانون تحت حڪم ڏي ته چونڊون ٿيڻ ممڪن نه آهن.
سندس چوڻ هو ته سپريم ڪورٽ جي حڪم تي عمل نه ٿي رهيو آهي ته واحد صورت سريلنڪا جي ماڊل تي عمل ڪرڻ هوندو، عوام پنهنجي حقن تي سوديبازي نه ڪن.
فواد چوڌري چيو ته پاڪستاني قوم امير طبقي جي پاڪستان کي برما يا اتر ڪوريا بڻجڻ جي خواهشن تي پاڻي هاري ڇڏيندو.
هن چيو ته وزيراعظم آفيس ۽ وزيراعظم هائوس جي آڊيو رليز ڪئي وئي ته سپريم ڪورٽ کي درخواست ڪئي ته اهو سلسلو تباهه ڪندڙ آهي.
سندس چوڻ هو ته جيڪڏهن ملڪ جي وزيراعظم جي آفيس ايتري غير محفوظ آهي جو هر ميٽنگ رڪارد ٿي رهي آهي ته باقي ٻيو ڪير محفوظ هوندو، ايجنسين جو اهڙو ڪردار ڪهڙي مذهب ملڪ ۾ آهي.
فواد چوڌري چيو ته اها درخواست ڪيترائي مهينا گذرڻ باوجود اڃا تائين سپريم ڪورٽ ۾ نه لڳي آهي، هاڻي جج، سياستدان، سرڪاري ملازم ايتري تائين جو گهريلو ملازم به ٿرڊ ڪلاس سوچ جو شڪار آهن ۽ ڪير ڪجهه نه ٿو ڪري سگهي.
هن چيو ته فيئر ٽرائل قانون تحت اهڙي غير قانوني فون ٽيپنگ جي سزا ٽن سالن تائين ٿي سگهي ٿي.
