پڊعيدن ۾ مستاني نينگري سان ڏاڍائي جي ڪوشش ڪندڙ پوليس اهلڪار جي گرفتاري لاءِ وارثن پاران احتجاجي مظاهرو ڪيو ويو.
نينگري جي وارثن عبدالغفور ملڪ جي اڳواڻي ۾ پريس ڪلب آڏو جوابدار سهراب ملڪ جي گرفتاري لاءِ احتجاج ڪيو.
احتجاج ڪندڙن چيو ته ذهني معذور نينگري کي اڪيلو ڏسي پوليس اهلڪار سهراب ملڪ ساڻس ڏاڍائي جي ڪوشش ڪئي، نينگري جي رڙين تي کيس پاڙي وارن پهچي بچائي ورتو.
وارثن چيو ته جوابدار خلاف ٿاڻي تي شڪايت لاءِ وياسين ته پوليس واپس موٽائي ڇڏيو.
هنن اعليٰ اختيارن کان مطالبو ڪيوته معاملي جو نوٽيس وٺي معذور نينگري سان زيادتي جو ڪوشش ڪندڙ جوابدار خلاف قانوني ڪارروائي ڪري انصاف ڪيو وڃي.
هوڏانهن الزام هيٺ آيل پوليس اهلڪار سهراب ملڪ جو چوڻ آهي ته نينگري سان ڏاڍائي جا الزام بي بنياد آهن.
هن چيو ته زمين جو تڪرار تان مخالف ڌر ڦاسائڻ لاءِ نينگري سان زيادتي جي ڪوشش جو الزام لڳايو آهي.
پوليس جو چوڻ آهي ته واقعي جي جاچ ڪئي پئي وڃي، الزام ثابت ٿيڻ تي پوليس اهلڪار خلاف ڪارروائي ڪئي ويندي.
