اطلاعات ۽ ٽرانسپورٽ واري صوبائي وزير شرجيل ميمڻ چيو آهي ته پ پ پورهيتن ۽ هارين جي پارٽي آهي، سندن ڀلائي ۽ ترقي لاءِ پيپلزپارٽيءَ تاريخي قدم کنيا آهن.
جاري ڪيل بيان ۾ شرجيل ميمڻ چيو ته پورهيتن جي بهتري لاءِ ملڪ ۾ جيڪي پاليسيون ٺهيون آهن، انهن جو سِهرو پيپلزپارٽيءَ ڏانهن وڃي ٿو.
هن چيو ته پورهيتن جي ترقي پ پ جي ترجيحن ۾ شامل آهي، شهيد ذوالفقار علي ڀتو ملڪ جي پهرين پورهيت پاليسي ڏئي پورهيتن کي تحفظ فراهم ڪيو.
شرجيل ميمڻ چيو ته آصف زرداريءَ ارڙهين ترميم ذريعي پورهيتن جي ادارن جا اختيار صوبن کي منتقل ڪيا، سيسي ۾ پورهيتن جي نمائندگي وڌائي وئي آهي، زراعت جي شعبي ۾ ڪم ڪندڙ عورتن کي تحفظ فراهم ڪيو آهي.
