پ پ چيئرمين ۽ پرڏيهي وزير بلاول ڀٽو زرداريءَ، قوم سميت سڄي دنيا جي مسلمانن کي عيد جون واڌايون ڏنيون آهن.
جاري ڪيل بيان ۾ بلاول ڀٽو زرداري چيو ته دعا آهي ته هن عيد جو ڏينهن پاڪستان سميت سڄي دنيا لاءِ امن، ڀائيچاريَ ۽ خوشحالي جو وسيلو ثابت ٿئي.
هن چيو ته عيد ان عزم سان ملهائڻ گهرجي ته هو معاشري مان پولرائيزيشن جو خاتمو ڪندا، کين آئين سان گڏ بيهڻو آهي.
بلاول ڀٽو زرداري چيو ته پاڪستان کي ڀائيچاري، رواداري ۽ برابري وارو ملڪ بڻائڻ لاءِ هو ڄمي بيٺل آهي.
پرڏيهي وزير چيو ته عيد جي ڏينهن هو پنهنجن شهيدن کي ياد ڪندا آهن، جن وطن لاءِ جانيون قربان ڪيون، شهيدن جي وارثن سان هو ٻڌيءَ جو اظهار ڪن ٿا.
پ پ چيئرمين دنيا ۾ موجود پاڪستانين کي اپيل ڪئي ته اهي والاريل ڪشمير جي ڀائرن کي ياد رکن ۽ عيد جي نماز دوران سندن جائز آزاديءَ واري جدوجهد لاءِ دعا گهرن.
