ڀارتي شهر گووا ۾ شنگهائي سهڪاري تنظيم جي پرڏيهي وزيرن جو اجلاس جاري آهي.
پرڏيهي وزير بلاول ڀٽو زرداري پاڪستان جي نمائندگي ڪرڻ لاءِ اجلاس ۾ موجود آهي.
ڀارتي پرڏيهي وزير جي شنڪر، پاڪستاني هم منصب بلاول ڀٽو زرداري جي اجلاس ۾ آجيان ڪئي.
پرڏيهي وزير بلاول ڀٽو زرداري ڀارتي شهر گووا ۾ ازبڪستان جي هم منصب بختيار سيدوف سان ملاقات ڪئي.
ٻنهي ملڪن جي پرڏيهي وزيرن جي ملاقات دوران ٻه طرفي دلچسپي جي معاملن سميت اقتصادي ۽ علاقائي رابطا وڌائڻ بابت ڳالهيون ڪيون ويون.
پرڏيهي وزير بلاول ڀٽو زرداري جي ازبڪستان جي هم منصب بختيار سيدوف سان ملاقات ۾ افغانستان جي صورتحال به غور هيٺ آئي.
ڀارتي شهر گووا ۾ پرڏيهي وزير بلاول ڀٽو زرداري، شنگهائي سهڪاري تنظيم جي سيڪريٽري جنرل زانگ منگ سان به ملاقات ڪئي.
ملاقات دوران شنگهائي سهڪاري تنظيم جي سرگرمين، مستقبل ۾ ترقي جي ويزن ۽ سڌارن جي عمل بابت ڳالهيون ٿيون.
پرڏيهي وزير بلاول ڀٽو زرداري، سيڪريٽري جنرل شنگهائي سهڪاري تنظيم جي قيادت جي اجلاس کي مڪمل ڪرڻ جي حوالي سان مڪمل سهڪار جو يقين ڏياريو.
پرڏيهي وزير بلاول ڀٽو زرداري جي روسي هم منصب سان ملاقات ڪئي.
پرڏيهي کاتي جي ترجمان موجب بلاول ڀٽو زرداري روسي هم منصب سان گووا ۾ ملاقات ڪئي.
ملاقات ۾ پاڪ روس لاڳاپن، علائقائي صورتحال سميت ٻين معاملن تي ڳالهيون ڪيون ويون.
ڀارتي پرڏيهي وزير جي شنڪر شنگهائي سهڪاري تنظيم جي اجلاس ۾ شرڪت ڪندڙن جي مان ۾ رات جي ماني جو انتظام ڪيو.
پرڏيهي وزير بلاول ڀٽو زرداري ڀارتي شهر گووا ۾ رات جي ماني دوران ڀارتي هم منصب جي شنڪر سان ملاقات ڪئي.
بلاول ڀٽو زرداري جي پهچڻ تي جي شنڪر پنهنجي سيٽ تي بيهي سندس مصافحو ڪيو.
ذريعن موجب، بلاول ڀٽو زرداري، روسي هم منصب سان ملاقات سبب رات جي ماني ۾ دير سان پهتو هو.
پرڏيهي وزير بلاول ڀٽو زرداري ڀارتي شهر گووا ۾ تاجڪستان جي هم منصب سرود جدين مخرالدين سان ملاقات ڪئي.
پرڏيهي آفيس جي ترجمان موجب، پاڪستان ۽ تاجڪستان جي پرڏيهي وزيرن جي ملاقات گووا ۾ شنگهائي سهڪاري تنظيم جي اجلاس جي موقعي تي ٿي.
ترجمان جو چوڻ آهي ته ملاقات ۾ ٻنهي ملڪن جي پرڏيهي وزيرن گڏيل سهڪار بابت ڳالهيون ڪيون جڏهن ته بلاول ڀٽو زرداري ۽ سرود جدين مخر الدين اقتصادي سهڪار ۽ علاقائي رابطا وڌائڻ تي زور ڀريو.
