ڀارتي فوج جو هيلي ڪاپٽر ڪري تباهه ٿي ويو

ڀارتي ميڊيا موجب، ھيلي ڪاپٽر رياست ارونا چل پرديش جي علائقي بوم دلا ۾ منڊلا ھلز ويجھو پاڻي ۾ڪري تباھھ ٿي ويو.
ڀارتي ميڊيا رپورٽس موجب، هيلي ڪاپٽر جو صبح 9لڳي 15منٽن تي ايئر ٽريفڪ ڪنٽرولر سان رابطو ڪٽجي ويو، جنهن بعد هيلي ڪاپٽر جي ڳولا شروع ڪئي وئي.
ميڊيا رپورٽس موجب، حادثي ۾ ھيلي ڪاپٽر ۾ سوار ٻئي پائلٽ مارجي ويا جن جي سڃاڻپ ليفٽيننٽ ڪرنل وي وي بي ريڊي ۽ ميجر جيانٿ جي نالن سان ٿي.
سوشل ميڊيا تي ڀارتي فوج جي هيلي ڪاپٽر جي حادثي جي وڊيو به سامهون آئي آهي، جنهن ۾ ڏسي سگهجي ٿو ته هيلي ڪاپٽر درياهه ۾ ڪري تباهه ٿي وڃي ٿو.