ڀارتي ليکڪ ۽ شاعر جاويد اختر اردو کي هندستاني زبان قرار ڏئي ڇڏيو آهي.
جاويد اختر ۽ سندس گهرواري اداڪارا شبانه اعظمي اردو شاعريءَ جي پنهنجي ڪتان جي مهورتي تقريب ۾ شرڪت ڪئي، جتي هنن اردو ٻوليءَ جي اهميت بابت ڳالهايو.
تقريب دوران ڳالهائيندي جاويد اختر چيو ته اردو جو تعلق پاڪستان يا مصر نه پر هندستان سان آهي، هيءَ زبان ڪو ٻاهران ناهي آئي پر اسان جي پنهنجي زبان آهي، هندستان کان ٻاهر نه ڳالهائي ويندي هئي.
سندس چوڻ هو ته پاڪستان ته ورهاڱي کانپوءِ وجود ۾ آيو، اڳ ۾ سمورو خطو هڪ ئي هو تنهنڪري اردو زبان اتان جي ناهي.
جاويد اختر چيو ته اردو کي پاڪستان جي ٻولي سمجهڻ غلط آهي.
هن چيو ته ڀارت جو نئون نسل اردو کي وساري ويٺو آهي، هتي اردو کي اهميت ملڻ گهرجي.
جاويد اختر چيو ته ٻولين کي مذهب سان جوڙڻ غلط آهي، زبان جو تعلق مذهب نه پر ملڪن سان هوندو آهي تنهنڪري اردو به ڪنهن مذهب نه پر هندستان جي زبان آهي.
